Элмира Таджиева – Адамзат Текст

Язык песни: Киргизский

Ааламды жеке билсе да
Алтындан үйгө кирсе да
Асманда жылдыз аралап
Ай нурун кармап минсе да
Бакытка тойбойт адамзат

Кылымды кыйла көрсө да
Кызыкты өзү бөлсө да
Кырчындай жаштан айрылып
Кыймылсыз жанга көнсө да
Өмүргө тойбойт адамзат

Жанында өлүм турса да
Жалантып кылыч сунса да
Жабыгып жүрөк кансырап
Ирмелбей көзү тунса да
Үмүткө тойбойт адамзат

Махабат жандап жүрсө да
Жыргалды жалгыз сүрсө да
Чагылган менен жандашып
От болуп күйүп жанса да
Сүйүүгө тойбойт адамзат
Өмүргө тойбойт адамзат